صايبي العكر الفاسي في الدار و فقصي العطار

سكينة الطباخة
أفكار وتدبير منزلي
سكينة الطباخة19 فبراير 2017آخر تحديث : الأحد 19 فبراير 2017 - 3:20 مساءً
 العكر الفاسي في الدار و فقصي العطار - مجلة طباخة

صايبي العكر الفاسي في الدار و فقصي العطار:

موضوع للاخت : ام ادم جزاها الله عنا كل خير

انا العكر الفاسي تنصيبو غير فالدار خصوصا في فصل الربيع تنصايب بزاف و نخبيه 

و هذه هي الطريقة باش تصايبيه خودي بلعمان شدي الوراق ديالو بوحدهم عادي تحتاجي بزاف غير سيري لشي ربيييع وبقاي تنتفي تنتفي حتى تعياي ههههه و يقوليك راجلك ندمتيني لاش خرجتك ههه كيف دار ليا راجلي خرجني انا وادم و هو يبان ليا بلعمان نابت و سط الربيع ههه و انا نولي بحال شي تور الى بان ليه لون احمر و انا نقول لراجلي وووقف خلعتو ماعرف باش تبلا مسكين وهو يوقف الطونوبيل و هبت بقيت تنتف تنتف بحالا تقولو بغيت نتغدى بيه و راجلي تيغوت هو وولدي معقلتش عليهم ههههه حتى سخفت عاد مشيت ووسخت ديك الطونوبيل مسكينة هههه و راجلي بقا يغوت عليا ندمتو لاش خرجني ههههه ولكن اش غادي ندير انا عزيز عليا نسايب الحاجة بايديا حسن منشريها ههه المهم نرجعو الموضوع ديوش عليا راني ترتارة هههههههه 

اوا اللالة ستفي لوراق فوق شي شبكة و لا غربال لمهم مديريش وحدة فوق وحددة من الاحسن ديري وحدة حدى وحدة و ديريه في الشمس و خليه ينشف مزيان حتي يتكرمل و يولي قاسح بحال الشكل ديال وراق الحنة و طحنيه و هاهو عندك العكرالفاسي من صنع ايديك بلا متشريه

رابط مختصر

اترك تعليق

لن يتم نشر عنوان بريدك الإلكتروني. الحقول الإلزامية مشار إليها بـ *


شروط التعليق :عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

نستخدم ملفات الكوكيز لنسهل عليك استخدام موقعنا الإلكتروني ونكيف المحتوى والإعلانات وفقا لمتطلباتك واحتياجاتك الخاصة، لتوفير ميزات وسائل التواصل الاجتماعية ولتحليل حركة الزيارات لدينا...لمعرفة المزيد

موافق